अब नए जिला निवाड़ी में पौंच गए रामराजा सरकार, अक्षय कुमार हुईयें पैले कलेक्टर

0

@बुन्देलखण्ड खबर-
भोपाल। तौ लो भैया अपने बुन्देलखण्ड में एक और नऔ जिला जुर गऔ। जगत मामा और मध्य प्रदेश के मुख्यमंत्री शिवराज सिंह ने चुनाव की आचार संहिता लगवे के पैलां ई की घोषणा कर दई। अब निवाड़ी प्रदेश कौ 52वां जिला हुईयै।

  • जौ टीकमगढ़ सैं अलग होबे के बाद एक अक्टूबर सें अस्तित्व में आजै और ई जिला की पैली कलेक्टर हुईयें पल्लवी जैन। निवाड़ी सैं भाजपा के विधायक अनिल जैन हैंगे सो जौ भी माने जा रऔ कै विधायक जैनसाब की चल गई। उन्नेअई मुख्यमंत्री सैं कै कें जिला चुनाव के पैलां बनवा दऔ. निवाड़ी जिला के पैले कलक्टर अक्षय कुमार सिंह हुईयें. अक्षय 2010 बैच के आईएएस अफसर आयें. इनके संगे निवाड़ी के पैले SP मुकेश श्रीवास्तव बनाये गए हैं. 1 अक्तूबर से जे पावर में आ जे.
  • मुख्यमंत्री शिवराज सिंह चौहान की अध्यक्षता में शनिवार शाम खौं भई कैबिनेट बैठक में फैसला तौ कैऊ लए गए अकेलें निवाड़ी खौं जिला बनावे के फैसला पै सबई जनें चौंक गए। ई की घोषणा पैलें हो गई ती अकेलें टीकमगढ़ के आदमी ई कौ भाई विरोध कर रए ते। विरोध रामराजा सरकार की नगरी ओरछा खौं लैकें हतौ।
  • अब ई नए जिला में निवाड़ी, ओरछा और पृथ्वीपुर तहसीलें शामिल हुईयें। नए जिला की आबादी चार लाख बताई जा रई। जौ प्रदेश कौ सबसें छोटौ जिला हुईयै। नए जिला की घोषणा के संगै राजस्व विभाग नैं राजपत्र में अधिसूचना प्रकाशित करबे और जिला में नए पद भरबे के लानें प्रस्ताव दैवे के निर्देश दै दए।
  • आज इतवार खों उमा भारती भी निवाड़ी पौंच रईं. उते बडो करिक्रम हो रऔ ख़ुशी मानावे के लानें.

LEAVE A REPLY